ابو ذيه 2012

2012 , ذيات , عراقي


اسمك شعر وبكلبي ارد بي
وخدك مشتل وخضر ورد بي
طريق المدرسة رايح وارد بي
حتى بس اشوفك هاي هية


بتالي اليل صب دمعي ولك در
وبعد ماعيش من دونك ولااكدر
بنص كلبي الك منزل ولكدار
تبيع وتشتري مرخوص بية

كلبي مافرح عكبك ولاسار
جدمي ماخطا لغيرك ولاسار
اخبرك مابقت كلمة ولاسر
فظحني الشوك والحب مو بدية

انا عذيبي وانا الغربي وانا انسيم
وانا العلة على يظدني وانا السم
عمام اشطوب الفنهم وانا السيم
وانا العجدة اليتيه الفكر بية

وحق من وصه يونس بالرساله
حرت شكتب شكولن بالرساله
لو اني الكب يوصل بالرساله
ادز اليوم لل يسئل عليه

الدنيا وياي تسرح مسرح انه
وبمشط شعر القوافي مسر ح انه
كاتب انه ومخرج انه ومسرح انه
وابد مايمشي تمثيلك عليه

الك بيت بوسط كلبي والك دار
وزماني ما وكف وياي ولك دار
لحكتك اني من الصبح ولك ندار
تشوفني ميت ولا تسأل عليه

اريد امشي لحبيبي بليل عناي
واسالة بياسبب زعلان عناي
اريد اشرح غرامي بحزن عالناي
بلكت ينكسر كلبة علية


ابو ذيات 2012 - ابو ذية - ابو ذية عراقي